A lingua sabe a historia. A historia sabe a lingua.

E este é o resultado da recolleira feita coa colaboración dun amplo número de persoas, todas elas relacionadas co IES Ollos Grandes de Lugo. A todas elas moitas grazas por todo o feito, en especial a Manguis por ese debuxo perfecto e a Marisa pola súa colaboración en todo o montaxe, sen esquecernos de todos os que aportastes ese material de gran valor. Moitas grazas a todos!!!!

Recibimos a visita dos alumnos do CEIP Anexa, nela puideron ver unha cociña con lareira con todos os utensilios, os aparellos para o traballo no campo, o taller dunha modista e dun carpinteiro. Obxectos curiosos coma un ferro de pasar feito na Alemaña nazi, coma se pode observar na esvástica que ten na súa parte superior ou mesmo unha radio Marconi fabricada en España pero con patente inglesa no ano 1948, tamén atopamos vetillos, un xugo, ferrados, peneiras e un sin fin de obxectos utilizados na nosa historia máis recente.